منتديات محاوش ونازل اراوش



انضم إلى المنتدى ، فالأمر سريع وسهل

منتديات محاوش ونازل اراوش

منتديات محاوش ونازل اراوش

هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.
منتديات محاوش ونازل اراوش

منتدى للترفية


3 مشترك

    كيف تتصرفين عندما يعزمك خطيبك على مطعم؟

    hebabosy
    hebabosy
    نائبة المدير
    نائبة المدير


    عدد المساهمات : 20
    السٌّمعَة : 0
    تاريخ التسجيل : 22/10/2009
    العمر : 41

    كيف تتصرفين عندما يعزمك خطيبك على مطعم؟ Empty كيف تتصرفين عندما يعزمك خطيبك على مطعم؟

    مُساهمة من طرف hebabosy 23/10/2009, 12:28 am

    1 -
    الأول لازم تعرفي إن الشوكة والسكينة بيتمسكوا من إيديهم من الطرف يعني مش من الوسط ولا من البوز زي الخنجر ولا من فوق طبعًااا
    *******
    2 -
    العيش أوعي تفضحينا وتقطعيه بسنانك.. ولا الرغيف نصين بإيدك وكل نص لقمة وتحشري.. أوعي.. العيش بيتقطع بالسكينة في الطبق.. وبعدين تاخدي لقمة.. لقمة .. بالعافية.. قال يعني نفسك مسدودة.. اضغطي على أعصابك جدااا وبعدين لما تروَّحي.. إبقي حِـفِّي زي ماانتِ عايزة
    *******
    3 -
    الشوووربة.. أبوس كعب رجلك.. بند الشوربة ده مهم جدًاااا الشوربة تتشِرب من غير صوت خالص.. ومن غير ماتقعدي تنفخي فيها.. زي القهوجي اللي بينفخ في الحجر للزبون.. وطبعًاااااا عايزِك تنسي تمامًا.. السلطانية اللي بتقيميها على بقك في البيت وتدلدقي على روحك
    بالمعلقة وبدون صوت.. سخنة, ولعة , برضه بدون صوت وتسيبي تلت الطبق ع الأقل.. مش تميليه.. عشان تلهطيها لآخر نقطة
    *******
    4 -
    الرز طبعاً .. بيتّاكل بالشوكة.. أوعي إيدك تتمد على المعلقةوتغرفي من طبق الرز وتعبّي.. إوعي.. الرز بالشوكة.. وكإنك بتبوسيه مش بتاكليه
    *******
    5 -
    المكرونة.. الاسباجتي.. برضه بالشوكة.. تتلف على طرف الشوكة.. لحد ما تخلص وبعدين تحطيها ف بؤك من سكات.. مش تشفطي المكرونة عود عود
    *******
    6 -
    السمك.. مشكلة.. شوفي.. بتفصلي اللحم عن الشوك إزاي..؟؟ تقطعي اللحم من النص.. بالطول وبعدين تفردي اللحم على الجانبين ولما تخلصي ناحية.. متقلبيش السمكة.. بلاش فلح
    شيلي السلسلة بالشوكة والسكينة وحطيها في جنب الطبق وكملي أكل النص التاني.. وبدل الفيلم الهندي ده.. نصيحة ماتكليش السمك خالص.. قولي مابحبش السمك وخلصي نفسك
    *******
    7 -
    الجمبري.. -إذا كنتي عارفاه-.. أول ماطبق الجمبري ينزل.. بصيله بقرف واحتقار شديدين.. آل يعني زهقانة من كتر أكل الجمبري الجامبو ف بيت بابّااااا.. واتنهّدي جامد وقولي.. برضه..؟؟؟ وتروحي قاطعة راس الجمبريّاية.. بالشوكة.. أنا في عرضك إنسي المصمصة دلوقتي
    *******
    8 -
    البطاطس سواء مسلوقة أو محمرة.. أوعي تهرسيها وتدبيها على الرز وتدّي ...لا..لآ...لآ...بالشوكة حتة حتة وإنت زي ما تكوني هاتعيطي من كتر ما البطاطس صعبانة عليكي
    *******
    9 -
    الفاكهة.. لو الفاكهة فيها بذر.. طلعيه من بؤك بالراحة وحطيه في إيدك وهي مقفولة.. وبعدين في طفاية السجاير اللي ع الترابيزة أوعي ياحبيبتي من نظام التفتفة للبذر.. إنسي
    *******
    10 -
    ولما تخلّصي أكل تحطي إيدك على بطنك.. -اللي عصافيرها بتصوصو من العينات اللي كلتيها-.. وتقولي له مش ممكن.. أنا عمري ما اتفجعت كدة.. أنا قدامي أسبوع.. هابطّل أكل فيهوبعدين تمسكي الفوطة اللي دايمًا موجودة على التربيزة من غير لزمة.. وتبوسيها.. آل يعني بتمسحي بؤّوبعدين تستأذني منه لإصلاح ماكياجك.. وتخشي التواليت وتطلعي من شنطة إيديك.. لفة الفول والطعمية اللي جايباها معاكي.. وبالهنا والشفااااااااااااا

    scratch scratch
    Nora queen
    Nora queen
    مدير عام
    مدير عام


    عدد المساهمات : 100
    السٌّمعَة : 0
    تاريخ التسجيل : 22/10/2009
    العمر : 32
    الموقع : http://m7awsh5.ahlablog.com/profile.htm?user_id=1

    كيف تتصرفين عندما يعزمك خطيبك على مطعم؟ Empty رد: كيف تتصرفين عندما يعزمك خطيبك على مطعم؟

    مُساهمة من طرف Nora queen 23/10/2009, 12:36 am

    هههههههههههههه موضوع جميل جدا جامد اخر حاجة احسن لنا منكلش معاهم احسن ههههه
    rooma
    rooma
    نائبة المدير
    نائبة المدير


    عدد المساهمات : 8
    السٌّمعَة : 0
    تاريخ التسجيل : 24/10/2009

    كيف تتصرفين عندما يعزمك خطيبك على مطعم؟ Empty رد: كيف تتصرفين عندما يعزمك خطيبك على مطعم؟

    مُساهمة من طرف rooma 26/10/2009, 12:41 am

    حلوه يا هبهوب cheers

      الوقت/التاريخ الآن هو 29/3/2024, 2:45 am